Şahnamə Əbülqasim Firdovsi Bu kitab (Bakı, Yazıçı, 1987) nəşri əsasında təkrar nəşrə hazırlanmışdır Tərcümə edəni, ön sözün və izahların müəllifi: Mübariz Əlizadə Redaktorları: Balaş Azəroğlu Məmmədağa Sultanov Abbasəli Sarovlu Klassik Şərq şerinin fəxri olan Əbülqasim Firdovsinin "Şahnamə” əsəri bütün dünyada şöhrət qazanmış, bədii söz və hikmət aşiqləri tərəfindən sevilə-sevilə oxunmuşdur. Dahi Nizaminin "sözü gəlin kimi bəzəyən tuslu ustad" deyə vəsf etdiyi şairin dünya ədəbiyyatı xəzinəsində öz təravətini min ildir saxlayan bu əsərinə Şərqin böyük sənətkarları yüksək qiymət vermişlər. Tarixi-folsofi epopeya olan "Şahnamə"nin hər bir dastanı şairin dünya-görüşünü, onun öz zəmanəsinə münasibətini əks etdirir.